Madaxweynuhu intii uu ku sugnaa dalka Imaaraadka Carabta, waxa uu ka qayb galay kulamo Caalami ah, sida shirkii Afrika Debate ee lagu qabtay magaalada Dubai. Sidoo kale, Madaxweynuhu waxa uu kulamo la yeeshay Ganacsatada iyo Jaaliyadda reer Somaliland ee ku nool dalka Imaaraadka Carabta, isaga oo kala hadlay xoojinta xidhiidhka ganacsi iyo ka maalgashi ee dalkooda hooyo, iyo ka qayb qaadashada fursadaha horumarineed ee dalka Somaliland.
Waxa xusid mudan, mudadii uu Madaxweynaha Jamhuuriyadda Somaliland ku sugnaa dalka Imaaraadka Carabta, in uu si xooggan uga hawl galay xoojinta xidhiidhka diblomaasiyadeed ee ay Somaliland la leedahay dalalka Caalamka, isaga oo kulamo kala duwan oo arintaasi lagu xoojinaayana la yeeshay masuulyiin sar sare.
